[ essay angin ]
wajahangin : sajak :
geguritan : features&news :
essay : cerpen
: email
Saturday, January 21, 2006
Jumbuhing Panemu Saka panjangkane Tlatah Kayen Nembe kadunungan genahe yen Mung ros-rosane pring kang kebak rasa, dene sakjroning lonjoran, namung grumbulan suwung, nurut teraking hawa Ing parak isuk wus nate daksawabke ujar, yen jaran kepang lakune lunjak lunjak, nadyan kaselakono ing tembe bakal kalaksanan, Baruklinthing njabel sada lanang
# berhembus waktu 3:53 AM : [ ]
Sugeng Riadi Datan wonten atur pambagyo ingkang utami ing wanci ingkang suci meniko, hanamung ngaturaken sadaya kalepatan, mugi kalebur ing sih samudra pangaksami
# berhembus waktu 3:45 AM : [ ]
Thursday, November 20, 2003
Janma Umanjing Trustaning Semedi gusti pengeran kang hamengku jagadnata paring dhawuh mula midangetna kanthi setiti waha tuhu marang kang murwengdadi punika raras sampun jumeneng ing dhampar paseban sun umanjing sekethiking netra lodhang luwenging waringin kekalih nuju ing pratandha punjering gesang lingga wujud kang anumbak telenging samudera wedhi tetes titising habangun praja keparenga tingal dhumateng panepen ring ngarsa waha wuri pakartining panembah ngarumake gusti sareh tumungkula putra wayah, anakmami ki dipati putraningsun, ingsun mekas malih ya dibisa angemong ing praja, araras tunggaling kawula twin gustinira satemah endahing sesekaran saka tamansarining pura kaputren gumebyar ring margi malya bhra kaangge ubarampe andherekake dhutaning manca, kairingiake tumekaning bebantheng benteng amarengi swara tetembangan jawi kinanthi ngancik plengkung laras langkung pinanggihnya apit rempit panca lawang paduraksa nanjak baya murweng lana baluwarti jagakapti pramila kaki saka ing dingin tumekaning tembe tlatah iki dede gunuking giri waha siti ampil samayaningsun wus tumekaning sampun, nakmas esmuning suksma umbara kang nuju pepesthen ing ngarsaning gusti hyang manon tumilar saka ing renaning gesang mung bisa nilarake agamaning nata jana jinem ateges lelaku kang tuhu kaweruh ing ngupadi tameng twin tamsir nora mung lelena tanpa waspada kayadene kang katindakake dening ki jagasura ing kiblating gapura nawungkridha ateges tangguh angugem rasa lan karsa mring akarya kaembanan samana uga gegayuhaning para muda tarunasura ing timuring gapura tyasingrat satemah jembaring buwana nora kagokkagol ambekgegek ugek-ugek kajaba sumilir ring ilir-iliring samubarang lir kaya ki jagabaya ing dayaning gapura sulendratama katamtu cawis sumadya karyatama adhasar endahing panjangka tebih saka ing panduga ala twin culidra jamake madyasura anarajang bebaya gunamukti ateges kamulyaning janma sesami twin liyan kadhaopake daya lantiping nalar kang pinuju wikan sairing lelakuning ki nirbaya gapura maha tunggal anglebat ratu dak pungkasi pangadikaningsun esmu gumuyu, kawistara ragi ing lilihing dukaningsun saebasutammu, anakmami panjenenganingsun banget enget yen sira dadi pawong-mitraningsun ananging sira ing mangkene ingsun aranni bangsaning candhala, dene sira teka wani ambadal dhawuh timbalaningsun ewa mangkana panjenenganingsun kagungan cacangkriman kang kawasita sajroning wengi; yen sira bisa anarbuka yekti ingsun kepareng panggalih murihing mukti cacangkrimaningsun kang kawasita mangkene luhur kang ngungkuli wukir jembar kang angluwihi sagara padhang kang animbangi raina rata kang amadhani tanah leta yen jeneng sira nora bisa narbukani mesthi ingsun pidana ing guntur wisesa sanadyan sira bisa njebles tanpa sirah njejak tanpa sothang, njuing tanpa asta ananging tintriming dukaningsun ing tembe bakal anumpes kelor suta wayah sacindhil abangira sairing wuntahing rudira kadi narmada jemparing bengawan tinon kadi mina, angambang ing samudera agunging lir ruging ardhi, angkasa tinarbuka bumi gonjang-ganjing, langit kelap-kelap leliweran kilat thathit, lintang sumamburat madyaloka dadi rungket sengkaruting giri wadyabalanira sirnanting, sisaning pati lumayu ngungsi biting, banjur sumirepi sumiliriing bayu angleremake segara wedhi panjenenganingsun anitah njalma dadijum'atlegi, 221103
# berhembus waktu 3:29 PM : [ ]
Saturday, October 11, 2003
madyaning rasa yen ing pambukaning kala ingsun amatek aji si jaran goyang mula ing madyaning rina sun tampakake ki sada lanang ing samuderaning sadak kinang anggita-gita langit kelap-kelap bumi gonjang-ganjing111003
# berhembus waktu 8:01 AM : [ ]
Sunday, September 21, 2003
mayangkembarku yen kembaring mayang katetepake sapengadek mula aja dadi penggalih rena twin cuwaning rasa tan bisa rinasa tyas sepining hening ngelingake endahing samudra rasaku marang seliramu210803
# berhembus waktu 7:01 AM : [ ]
Thursday, August 07, 2003
eruchakraning sun angkasa tinarbuka ing pucuk erining wengi eruchakra sakedheping netra, njalma dadi chandra klebating bayu memayuhayu ring diyu rhasa gebyaring segara wedhi awujud lintang wadag tanpa wadal lan wayah warangkaning wesi aji anglerap-lerap pura kaputrian, anyuba sunar purwacarakaning sada lanang tinebahake ing sadak kinang mula panembahan cancut tali wanda, satemah mandha wengi megar sawedharing mandhalan ngangsu sumur rupa twin ras dede anggitan parikena, sigrake jambe abang-abang lambe sesami lawan liyan uga, anakmami ngangsu wayah pletheking surya sumurupa ing wanci surub njalma ron tal iki070803
# berhembus waktu 10:03 AM : [ ]
Wednesday, August 06, 2003
lembu katiup angin tanpa aran mangsa ketiga gita-gita godhong-godhong wus ora bisa sumarah ing lakuning wayah tuwin dina bajingan nggelak cikar rungketing angkara, nedya ngadang mala jawata cengkar bela sungkawa tanpa kendhat angirab bharat bajingan nggelak angin sa'angkring supata, gegojekan lawan pati nyeblak segara mbegal kereta kecananing kanjeng ratu kidul nora selak yen wus dak mangsa mangsa rendheng lan ketiga tanpa sat wuntah, ing wektu iki anggelap ngampar sa'jeroning paudaranku tan pawatesmu050803
# berhembus waktu 1:48 PM : [ ]
:: special designed by sz
& hk ::